Qeveria e Shqipërisë dhe Malit të Zi zhvilloi këtë të hënë një takim të përbashkët në Podgoricë, në fund të së cilës u firmosën 11 marrëveshje të përbashkëta. Kryeministri Edi Rama dhe homologu i tij malazez Dritan Abazoviç firmosën Deklaratën e Përbashkët dhe Marrëveshjen Bilaterale për ndërtimin e urës në lumin Buna. Ura 310 metra e gjatë do të shkurtojë rrugën nga Mali i Zi drejt Shqipërisë duke kaluar nga Ulqini drejt Velipojës, nga 70 kilometra në vetëm disa kilometra.
E dyta mbledhje e përbashkët mes qeverisë të Malit të Zi dhe asaj shqiptare prodhoi edhe një sërë marrëveshjesh. Të dy qeveritë dakordësohen në hapjen e pikës së përbashkët kufitare Shën Nikollë – Pulaj. Ajo do i shërbejë edhe rrugës që do të lidhë dy vendet. Përmes një tjetër marrëveshje synohet mirëmbajtje dhe menaxhimi përbashkët i peshkimit në liqenin e Shkodrës dhe lumin e Bunës. Po ashtu u nënshkruan marrëveshje në fushën e mbrojtjes sociale. Një memorandum bashkëpunimi midis Ministrive të arsimit dhe kulturës të dy vendeve. Dy memorandume të tjera synojnë forcimin e bashkëpunimit në fushën e mbrojtjes, shëndetësisë dhe kulturës
