Pas 161 ditësh, Mike Maignan u rikthye në portë për Milan, në ndeshjen e fituar kundër Atalanta. Një ndeshje shumë e vështirë në letër për të dhe për kuqezinjtë, por që rezultoi e lehtë. Mjafton të thuhet se portieri francez nuk u impenjua kurrë nga sulmi zakonisht i frikshëm i Gasperinit. Dëmtimi i pulpës tashmë duket se është lënë pas dhe portieri e ka festuar rikthimin me disa imazhe të postuara në profilin e tij në Instagram. Imazhe në të cilat, ndër të tjera, ai lëshoi edhe një shigjetim ndaj atyre që kishin bërë insinuata të pakëndshme për arsyet e mungesës së tij të zgjatur në javët e fundit.
Mungesa e tij ishte më e gjatë se sa pritej dhe Milanit i ka munguar tmerrësisht. Mike Maignan, një pikat e forta të kuqezinjve në fitoren e titullit vitin e kaluar, u rikthye në fushë të dielën në mbrëmje. Ajo ndaj Atalanta ishte ndeshja e parë e francezit pas më shumë se 5 muajsh. Publiku i San Siro i dha një ovacion, me portierin që me praninë e tij përçoi besim në të gjithë repartin. Gjatë mungesës së gjatë u bënë konkluzione të shumta, madje shumë të rënda për të. Akuza që Maignan ka dashur t'i heshtë…
Lexo më tej: Askush nuk beson te Tatarusanu, lajme të këqija për Milan nga Maignan: rikthimi në fushë në mesin e marsit
REAGIMI I MAIGNAN
Mungesa e zgjatur e Maignan ka krijuar shumë histori, disa prej të cilave më se të pamundura. Kishte nga ata që flisnin për probleme personale, të tjerë që kishin lënë të kuptohet se portieri kishte frikë. Madje edhe nga ata që aluduan për problemet e lojtarit me drogën, në këtë rast me kokainën. Kjo arsye, për të cilën u fol në disa mesazhe zanore në WhatsApp, e kishte shtyrë shoqërinë ta linte jashtë gjatë. Akuza të rënda dhe shumë të rreme, të cilat francezi donte t'i mohonte. "Drogat e mia të vetme: besimi, puna dhe fitorja", shkroi ai në Instagram. Maignan i referohet të gjithë atyre që dyshonin se kishte diçka përtej atij dëmtimi të mallkuar.
