Një 42-vjeçar shqiptar, i identifikuar si Albert K., u përplas nga një makinë dhe u vra në kabinat e pagesave në autostradë midis Nocera Inferiore e Sarnos në autostradën A30 Caserta-Salerno, duke shkuar në drejtim të Casertas.
Sipas zbardhjes fillestari, ai ishte anëtar i një bande që pak më parë kishte kryer një grabitje në një shtëpi.
42-vjeçari, sipas RTA Live, po kalonte autostradën në këmbë kur u godit nga një makinë me targa bullgare. Ai përfundoi në xhamin e makinës para se të binte mbi ndarëse metalike në rrugë.
Me gjithë ndërhyrjen e menjëhershme të urgjencës, për shqiptarin nuk mund të bëhej asgjë. I plagosur mbeti edhe drejtuesi i makinës që e ka përplasur për shkak të thyerjes së xhamit. Aksidenti tragjik ndodhi mbrëmë rreth orës 21:45.
E tmerrshme skena në të cilën u gjend policia, e cila mbylli pjesën e autostradës për të rindërtuar dinamikën e saktë dhe për të pastruar rrugën. Albert K. ishte i njohur për forcat e rendit për precedentë penalë.
Mbrëmjen e djeshme, sipas një rikonstruksioni fillestar, ai kishte kryer një grabitje në një shtëpi në San Valentino Torio, në provincën e Salernos. Ka dy hipoteza: ose po arratisej në këmbë në autostradë, ose po arrinte me bashkëpunëtorët në një vend të paracaktuar.
Rasti po hetohet nga policia rrugore e nënseksionit të Nolës.
