Manchester United, Juventus, Roma, Sporting, Union Berlin, Sevilla, Leverkusen e Shakhtar janë kualifikuar në 1/8 e Europa League. Përshëndet turneun Barcelona e mundur 2-1 (4-3 tot.) nga Manchester United. Anglezët duhet të falenderojnë Fred (47’) e Antony (73’) që përmbysën penalltinë e Lewandowski. Avancon edhe Roma që përmbysi humbjen e ndeshjes së parë ndaj Salzburg. Ndërsa Union Berlin nxorri jashtë kompeticionit Ajax, i mundur 3-1 në transfertë.
MANCHESTER UNITED – BARCELLONA 2-1 (tot. 4-3)
Ndeshja e kopertinës në Old Trafford sheh Manchester United që nuk tradhton. Pas 2-2 në ndeshjen e parë, Barcelona rrëzohet 2-1 dhe anglezët kalojnë në 1/8 e Europa League. Blaugranat e nisën menjëherë në mënyrë agresive. Në minutën e 18' ata kaluan në avantazh me Robert Lewandowski. Polaku ktheu penalltinë e shkaktuar nga Bruno Fernandes, duke mposhtur de Gea. Pjesa e dytë u hap me golin e barazimit të Fred (47'), që mposhti me precizion ter Stegen për 1-1. Old Trafford, megjithatë, shpërtheu në minutën e 73' kur Antony lëshoi një goditje të pandalshme për portierin gjerman. 2-1 për United, që u drithërua në minutën e 94' kur goditja e Lewa u ndal para vijës nga Varane. Manchester United vazhdon më tej, ndërsa Barcelona i thotë lamtumirë Evropës.
Lexo më tej: Video/ Di Maria i merr topin Nantes: trigolëshi i Fideo kualifikon Juventus, PSV i shkon afër përmbysjes
UNION BERLIN – AJAX 3-1 (tot. 3-1)
Pas barazimit pa gola në 90 minutat e para, Union Berlin eliminoi Ajax, i rrëzuar 3-1. Holandezët i japin lamtumirën Europa League. Loja ishte nervoze, por në minutën e 20' gjermanët kaluan përpara me Knoche. Ai finalizoi me qetësi penalltinë e akorduar nga arbitri Bengoetxea. Në fund të pjesës së parë (44') gjermanët dyfishuan me anë të Juranovic, i cili përfitoi nga gabimi i madh i portierit Rulli. Në fillim të pjesës, goli i Kudus i dha shpresë Ajax. Por gëzimi ishte vetëm i përkohshëm. Në minutën e 50' Doekhi kërceu më lart se kushdo në zonë dhe shënoi me kokë golin e tretë për vendasit. Holandezët tentuan me të gjitha mënyrat në fund, por nuk arritën të gjenin rrugën e rrjetës. Ndeshjen e mbyllën me dhjetë lojtarë për kartonin e dytë të verdhë të Alvarez. Ajax vazhdon kështu vitin e tij zhgënjyes. Në 1/8 shkon Union Berlin, i cili deri tani po bën një sezon më se të kënaqshëm.
ROMA 2-0 SALZBURG
Roma mposhti 2-0 Salzburg në Olimpico, duke përmbysur humbjen 1-0 në ndeshjen e parë. Skuadra e Mourinho kualifikohet kështu në 1/8 e Europa League. Verdhekuqtë e nisën fuqishëm, duke goditur traversën me Dybala pas pak minutash. Por u desh të prisnin minutën e 33' për ta zhbllokuar ndeshjen, falë një goditje me kokë të Belotti. Në minutën e 40' ishte përsëri Spinazzola që shërbeu për Dybala topin që bëri rezultatin 2-0. Në pjesën e dytë, djemtë e Mourinhos ia dolën pa shumë problem të mbronin avantazhin e dyfishtë. Roma shkon në raundin tjetër. Në fazën e 1/8 (shorti i planifikuar për të premten në orën 12), ata do të takohen me një nga fituesit e grupeve.
Knockout Round Play-offs Europa League
Manchester United 2-1 Barcelona (tot. 4-3)
Rennes 2-1 Shakhtar Donetsk (tot. 3-3, pen)
Roma 2-0 FC Salzburg (tot. 2-1)
Union Berlin 3-1 Ajax (tot. 3-1)
