Dy tërmete të mëdha dhe një sërë pasgoditjesh kanë goditur Turqinë, Sirinë dhe rajonin përreth, duke vrarë më shumë se 2700 njerëz dhe duke shkaktuar shkatërrime të mëdha. Tërmeti i parë, me magnitudë 7.8, ra në orët e para të mëngjesit pranë qytetit të Gaziantepit, në jug të Turqisë. Disa orë më vonë, teksa njerëzit ishin ende në kërkim të të mbijetuarve në rrënoja, pati një tërmet me përmasa të ngjashme, 100 km në veri.
Intensiteti i lëkundjeve rrëzoi gjithashtu blloqe kullash dhe ndërtesa publike në veri të Sirisë dhe u ndje deri në Qipro dhe Liban. Epiqendra e tërmetit të parë ishte afër Gaziantepit, një qytet me më shumë se dy milionë banorë. Shumë dolën në rrugë teksa ndërtesat filluan të dridhen.
[caption id="" align="alignnone" width="768"]
Imazhet para dhe pas që tregojnë ndërtesa të shembura në Gaziantep, Turqi.[/caption]
Kështjella e qytetit, e cila ka qëndruar për më shumë se 2000 vjet është dëmtuar gjithashtu rëndë. Kalaja në majë të kodrës u ndërtua gjatë Perandorisë Romake. Kohët e fundit, ajo ishte përdorur si muze.
[caption id="" align="alignnone" width="803"]
Pamje para dhe pas që tregojnë dëmtimin e kështjellës në Gaziantep[/caption]
Xhamia historike Yeni Camii, në Malatya, më shumë se 100 milje nga epiqendra, u dëmtua shumë. Kupolat e saj u shembën, duke e lënë të ekspozuar ndaj qiellit të dimrit. Xhamia u shkatërrua nga një tërmet i madh në 1894 dhe pas rindërtimit, u dëmtua nga një tërmet tjetër në 1964.
[caption id="" align="alignnone" width="762"]
Pamje para dhe pas që tregojnë shkatërrimin e xhamisë Yeni në Malatya, Turqi.[/caption]
Ndërtesat u shndërruan në gërmadha në qytetin port mesdhetar të Iskenderun, në provincën e Hatay.
[caption id="" align="alignnone" width="834"]
Pamje para dhe pas që tregojnë ndërtesa të shembura në Turqi.[/caption]
[caption id="" align="alignnone" width="857"]
Imazhet para dhe pas tregojnë një kishë të shembur në Iskenderun, Turqi.[/caption]
Shembja e ndërtesave vrau më shumë se 810 njerëz në të gjithë Sirinë. Në qytetin e Aleppos, kështjella e lashtë e shkatërruar nga një dekadë lufte është dëmtuar më tej nga tërmeti. Në fshatin Besnaya - Bseineh, një bllok i madh ndërtesash rezidenciale dhe tregtare u shndërrua në rrënoja. ©LAPSI.al
