Kryebashkiaku i Mallakastrës, Qerim Ismailaj është dënuar me gjashtë muaj burgim dhe punë në interes publik. Ismailaj është shpallur fajtor për kryerjen e veprës penale të “Falsifikimi i vulave, i stampave ose i formularëve”. Më gjykim të shkurtuar, Gjykata e Posaçme e Shkallës së Parë për Korrupsionin dhe Krimin e Organizuar caktoi 40 orë punë në shërbim të interesit publik, që kryebashkiaku duhet t’i plotësojë brenda gjashtë muajve.
Pas përfundimit të dëshmisë në SPAK ai ka dhënë një komunikim për mediat. Pas më shumë se dy orësh, Ismailaj tha se do të vazhdojë betejën ligjore. Kryebashkiaku socialist i Mallakastrës më herët i ka shpëtuar shkarkimit nga detyra. Edhe pse nuk kishte deklaruar se ka qenë i dënuar me 3 vite burg në Greqi për rrahje, KQZ “e fali” Ismailajn.
