Kreu i Partisë Demokratike Sali Berisha ka folur në lidhur me thirrjen e djalit të tij në SPAK, për çështjen e Gërdecit. Në një intervistë për emisionin “Open” në News 24 ai tha se lajmin e ka mësuar nga mediat. Berisha tha se kjo është bërë për të larguar vëmendjen nga ajo që ai e quaj “superskandali Rama-McGonigal”
“Të jem i sinqertë, e kam marrë vesh nga mediat që djali im është thirrur në prokurori. Nuk më kishte thënë që sot ishte i thirrur në SPAK. Problemi i tij për këtë çështje është i tillë. Ekziston një faks, që origjinali nuk është gjetur kurrë, i dërguar nga Ministria e Drejtësisë në Ministrinë e Brendshme ku shkruhet se kjo t’i jepet Shkëlzenit, jo Shkëlzen Berishës, por Shkëlzenit.
Kjo është servirur si shkrim i Aldo Bumçit dhe kjo ka ndodhur një javë pasi Ministria e Drejtësisë kishte dërguar shkresën zyrtare për problemin, siç është ligji. Tani, çfarë ishte kjo?! Kjo ishte sikur nga Ministria e Drejtësisë i drejtohej djalit tim në Ministrinë e Brendshme, me të cilën ai nuk kishte asnjë lidhje. Bumçi s’e kishte shkruar kurrë këtë shënim. Ai mori dhe e paditi në prokurori si falsifikim të shkrimit të tij. Padi që prokuroria nuk u mor kurrë.
Aldo Bumçi e mohon dhe ka hapur padi për këtë faks, në të cilin i falsifikohet firma. Prokuroria në vend që të hetojë, nuk ka hetuar deri sot dhe thërret Shkëlzenin pas 15 vitesh. Duhet hetuar, por hetimi i parë është për ish-ministrin që deklaron se më kanë falsifikuar shkrimin.
Kjo nuk është bërë sepse nuk u interesonte sepse del që është falsifikim. I gjithë problemi është një person “X” bën një faks. Sekretarja ka bërë dëshminë e saj në gjykatë. Nëse sekretarja shprehet në emër të ministrit dhe është në një skemë manipulimi, por unë nuk e akuzoj dot, sepse ajo thotë që nuk e ka bërë këtë.
Është thjesht një thirrje që i kanë bërë për të mundur superskandalin e Rama-McGonigal. E gjitha kaq! Ai është SKAP i partisë, por prokuroria duhet të thërrasë cilindo që i duhet. Kjo është thirrje politike e mirëfilltë. Edhe nëse e do kush e ka falsifikuar nuk do ta thoja, sepse është çështje kriminalistë, i përket laboratorit të kriminalistikës” – tha Berisha. ©LAPSI.al
