Vajza nga Kenia Joy Aoko është larguar nga Shqipëria ditën e sotme drejt vendit të saj në Kenia.
Ditën e sotme ajo la spitalin e Traumës për t'u larguar drejt Kenias, ku do të vijojë mjekimin në spitalin Kenyatta. Avioni që mbante vajzën nga Kenia dhe nënën e saj si dhe ekipin e saj mjekësor u largua nga Shqipëria këtë të mërkurën dhe ka zbritur në aeroportin ‘Wilson’.
Që prej 14 gushtit të vitit 2022 vajza nga Kenia ndodhej e shtruar në spital pasi u dhunua brutalisht dhe u hodh nga kati i dytë i banesës ku jetonte në rrugën "Pandeli Evangjeli" në kryeqytet.
Që prej 14 gushtit vajza nga Kenia është në gjendje kritike dhe ka nevojë për kujdes të specializuar neurologjik, i cili nuk ishte i disponueshëm në Shqipëri.
