Në vështirësi nga dosja amerikane e McGonigal në të cilën del i përfshirë edhe vetë, Edi Rama ka nisur sot të bëjë dredhi para kamerës teksa tentoi t'i jepte kuptim tjetër fjalës "mik" me të cilën iu drejtua në shtator 2022 ish-zyrtarit të FBI-së.
‘Fjala mik është shumë e madhe, kur kam folur në atë kohë, kam folur në kuptimin e gjuhës angleze, që dmth, friendly, miqësie, jo një mik me të cilin unë kam ndarë jetën me të. E kam takuar në zyrën më të rëndësishme të FBI-së në SHBA, atë të Nju Jorkut, dhe më ka prezantuar edhe të tjerë zyrtarë të FBI-së, ku edhe më kanë dhënë ato gjërat e FBI-së, që në media dolën si pajisje përgjimi’, deklaroi Rama.
Pra, në shtator 2022 shprehej me siguri se McGonigal ishte dhe mbetej miku i tij, ndërsa sot pas arrestimit thotë se ka folur në gjuhën angleze dhe nuk është se e ka ndonjë mik shumë të madh. ©LAPSI.al
