Një alarm për bómbë u lëshua nga një avion Boeing 737 i kompanisë Ryanair me 192 persona në bord. Ai ishte nisur nga qyteti i Katowice në Poloni, me destinacion Athinën. Në orën 17:40 avioni u ul në Aeroportin Ndërkombëtar të Athinës dhe po bëhet evakuimi i shpejtë i pasagjerëve dhe kontrolli për mjete shpërthyese.
Mediat greke shkruajnë se vijon procedura e evakuimit dhe pasagjerët po kontrollohen një nga një sipas procedurave. Në operacion janë përfshirë edhe qentë anti-eksploziv. Pasi të gjithë të kontrollohen pasagjerët dhe bagazhet, kërkimi do të vijojë në të gjithë avionin. Ndaj procesi pritet të marrë pak kohë.
Avioni u ul me sukses në pistën perëndimore të aeroportit “Eleftherios Venizelos”. Për momentin është e hapur vetëm pista lindore e aeroportit. Për shkak të kërcënimit nga ky alarm avioni u shoqërua nga një avionë luftarakë F-16. Ata iu afruan avionit polak mbi territorin e Shkupit. Më pas ata e shoqëruan për në destinacionin e fundit.
Edhe avionët luftarakë hungarezë u ngritën në ajër për shkak të gjendjes së jashtëzakonshme. Siç parashikon protokolli, avioni Boeing fluturoi vetëm mbi hapësirën detare. Në aeroport është siguruar një zonë e veçantë për avionin.
Ky protokoll ndiqet në mbarë botën pas 11 shtatorit 2000 dhe ngjarjeve në Kullat Binjake. Ai parashikon fluturimin e avionëve të shoqëruar nga avionë luftarakë vetëm mbi det ose mbi një territor të pabanuar. Kjo pasi pilotët mund të marrin një urdhër rrëzimi. ©LAPSI.al
