Gola, argëtim dhe një përmbysje e bujshme në fitoren 4-2 të Manchester City ndaj Tottenham. Skuadra e Guardiolës, nën dy gola në pjesën e parë nga Kulusevski dhe Emerson, përmbysi gjithcka në vetëm dymbëdhjetë minuta. Golat e Alvarez, Haaland dhe Mahrez erdhën në fillimin e pjesës së dytë e pastaj algjeriani fiksoi pokerin në fund. Një rikuperim i jashtëzakonshëm që dënon Conte me humbjen e tretë në katër të fundit. Citizens tani janë -5 nga kryesuesit e Arsenal.
E pabesueshme në Etihad, me një super rikthim të Manchester City: nga 0-2 në 4-2 ndaj Tottenham. Guardiola ringrihet pas disfatës në derbi dhe afrohet 5 pikë nga vendi i parë. Antonio Conte tani është në krizë me humbjen e tretë në katër të fundit dhe 14 distanca nga kreu. Një stuhi emocionesh pas një fillimi studimi. City shtyu dhe mbuloi më mirë fushën dhe u duk se ishte një hap larg nga 1-0. Por në vend të kësaj ishte në mënyrë sensacionale Tottenham ai që mori avantazhin. Njësh-dysh brenda gjashtëdhjetë sekondave, me Spurs që shkoi përpara 2-0 në pushim. Epërsia e Spurs në minutën e 44 ishte e gjitha për fajin e Ederson e shfrytëzuar nga Kulusevski. Pastaj dyfishimi erdhi me Emerson, që shtyu në rrjetë grushtimin e portierit ndaj goditje së Kane.
E pabesueshme në Etihad, por në pjesën e dytë reagimi i lojtarëve të Pep Guardiolës erdhi menjëherë. Dy gola të tjerë, gjithmonë brenda vetëm një minute. Alvarez në rrëmujë dhe Haaland me kokë barazuan 2-2, në minutën e 53'. Tottenham mund të kalonte sërish në epërsi, por Perisic goditi traversën falë devijimit të Leëis. Në minutën e 64, Mahrez përmbushi përmbysjen, duke mundur në shtyllën e tij një Lloris fajtor. Në fund miqtë tentuan por u c'ekuilibruan shumë, kështu që Mahrez kompletoi pokerin, pas gabimit fatal të Lenglet.
