Noel Le Graet u pezullua nga detyra e presidentit të Federatës Franceze të Futbollit, nga Komiteti Ekzekutiv i Jashtëzakonshëm i këtij organizmi. Numri 1 i futbollit francez e mori presidencën në vitin 2011 dhe mandati i tij do të përfundonte në fund të vitit 2024. Pozicioni i tij u minua nga deklaratat e tij të fundit të diskutueshme për Zinedine Zidane. E pastaj nga dëshmia mbi ngacmimet e supozuara sek*uale të zbuluara nga një menaxhere. Edhe drejtorja e përgjithshme e tij, Florence Hardouin, është pezulluar gjithashtu. Philippe Diallo do të garantojë kreun e përkohshëm të FFF-së.
Le Graet në fakt u detyrua të jepte dorëheqjen, të bënte një hap prapa. Të paktën, deri sa të publikohen rezultatet e auditimit të porositur direkt nga Ministria e Sportit në Francë. E gjitha kjo u kërkua për të hedhur dritë mbi akuzat për ngacmime seksuale dhe situata të tjera kritike të brendshme.
Qeveria franceze është kundër Le Graet dhe nuk duhet ky hetim për tu kuptuar. Zëdhënësi i qeverisë, Olivier Véran, është marrë në pyetje për polemikat rreth Le Graet. “Për këtë kam një mendim personal, jo qeveritar. Unë ndaj mendimin e Ministres së Sportit. Një federatë si Federata Franceze e Futbollit meriton një president në lartësinë e detyrës. Një njeri që di të japë një imazh të mirë të futbollit francez përballë planetit. Kam kujtime të bukura nga finalja e 1998-ës dhe një adhurim të tillë për Zizoun saqë edhe unë u lëndova shumë nga ajo që dëgjova. Nuk është vetëm kaq, por ka shumë gjëra të tjera të vogla".
