Elon Musk ka thyer së fundmi Rekordin Botëror Guinness për humbjen më të madhe të pasurisë.
Autoriteti i rekordeve tha se bashkëthemeluesi i Tesla kishte pësuar humbjen më të madhe të pasurisë personale në histori, me rreth 182 miliardë dollarë që nga nëntori 2021. Guinness World Records tregoi se shifra e saktë ishte "pothuajse e pamundur për t'u konstatuar" sepse llogaritja bazohet në një vlerësim nga Forbes.
Tesla pa një rënie rekord prej 65% në çmimin e aksioneve të saj në 2022 përfshirë një shitje të madhe në dhjetor që i shtyu aksionet të bien më shumë se 36%. Por edhe përkundër shqetësimeve për rritjen e kostove dhe kërcënimeve konkurruese kompania ka ende një vlerë në treg prej rreth 389 miliardë dollarësh, falë rritjes së saj meteorike në 2020 dhe 2021.
Ky muaj gjithashtu nisi me një fillim të vështirë pasi Musk uli çmimin e dy linjave kryesore të modeleve në Kinë. Turmat e klientëve të zemëruar të Tesla-s thuhet se u shfaqën në disa dyqane duke kërkuar një formë kompensimi për blerjen e një makine të re me çmime më të larta. Në nëntor, Bloomberg raportoi se Musk kishte shitur 3.95 miliardë dollarë të tjerë të aksioneve të Tesla-s për të financuar blerjen e tij të Twitter. Kjo çoi shitjet e tij totale në aksione të kompanisë në 36 miliardë dollarë në një vit të vetëm./Lapsi.al
Lexo Edhe: https://lapsi.al/2022/12/29/probleme-me-twitter-perdoruesit-sulmojne-elon-musk/
