Juventus po përpiqet të bindë Adrien Rabiot të qëndrojë në Torino. Italianët po tentojnë të mos e humbasin mesfushorin me parametër zero. Bardhezinjtë kanë vënë në tavolinë një propozim që gjithësesi nuk arrin të barazojë atë të ardhur në verë nga Manchester United. Por është gjithcka që mund të ofrojë Juventus sipas standardeve të reja “merre ose lëre”. Zonja e Vjetër shpreson të mbajë francezin, i cili do të lirohet si transferim i lirë në qershor, me një kontratë me vlerë 7 milionë euro neto plus një bonus, që kalon ndjeshëm pagën e tij aktuale. Megjithatë, mbetet për tu diskutuar komisioni i frikshëm i firmës për mamanë dhe menaxheren pretenduese të lojtarit, Veronique.
Fakti është se Juventusi nuk dëshiron ta humbasë lojtarin. Kjo edhe me kërkesë të drejtpërdrejtë nga tekniku Max Allegri. Numri 1 i pankinës e sheh ish-lojtarin e PSG si një element kyç të mesfushës së tij në këtë periudhë rindërtimi. Tani fjalën e fundit do ta ketë Rabiot dhe e ëma Veronique, që u thirr për të dhënë një përgjigje. Megjithatë, vështirë që zv/kampioni i botës të heqë dorë nga ofertat ultramilionere nga Premier League, sidomos pas paraqitjeve të mira në Katar.
Ndërkohë priten lajme për të ardhmen e Ëeston McKennie. Amerikani i tha jo propozimit të Bournemouth. Amerikani është në pritje të një telefonate nga Borussia Dortmund, që ka shfaqur interes. Juve shpreson të marrë 30 milionë euro, që është shuma e kërkuar për të nisur negociatat.
