Merkato e transferimeve sapo ka filluar, por Premier League i ka kryer goditjet e para... dhe çfarë goditjesh. Pas blerjes së Gakpo nga Liverpool, Chelsea në fakt është duke mbyllur transferimin e Enzo Fernandez. Mesfushori i Benfica, kampion bote me Argjentinën, ishte në shënjestër të shumë klubeve, por Blues dashën të shmangin rivalitetin. Për ta sjellë në Londër, ata do t'i paguajnë klubit portugez një shifër edhe më të lartë se klauzola. Në fakt, vlera e klauzolës së zgjidhjes së kontratës për argjentinasin ishte 120 milionë euro, por ka një arsye.
Lojtari i ri më i mirë në Botërorin e Katarit, ditët e fundit e detyroi shitjen nga klubi. Ai zgjodhi të festojë Vitin e Ri në shtëpi pa autorizimin e klubit, duke i zemëruar tifozët luzitanë. Enzo Fernandez do të transferohet në Angli për 127 milionë euro. Kjo sepse Blues do paguajnë me disa këste, ndërsa për të paguar klauzolën do t'u duhej ta bënin në një transaksion të vetëm.
Lexo më tej: Nga 12 milionë euro në 127 në vetëm gjashtë muaj: investim i çmendur i Chelsea për Enzo Fernandez
Fernandez ka bërë 25 paraqitje me 3 gola dhe 5 asiste në të gjitha kompeticionet e deritanishme të këtij sezoni. Në orët në vijim lojtari duhet t'i nënshtrohet ekzaminimeve mjekësore. Vetëm më pas Enzo Fernandez do të nënshkruajë kontratën me klubin anglez dhe do t'u bashkohet shokëve të rinj të skuadrës.
