Një ngjarje e rëndë ka ndodhur paraditen e djeshme në Lushnjë. Një grua ka gjetur vdekjen në ambientet e bashkisë. 48-vjeçarja Shpresa Cani ka shkuar në zyrat e bashkisë për të pyetur përse i është hequr ndihma ekonomike. Sipas burimeve viktima ka debatuar ashpër me punonjësit e kësaj zyrë rreth faktit të heqjes së emrit nga lista e përkrahjes sociale si dhe është nxjerrë me forcë nga kjo zyrë.
Më pas 48-vjeçarja ka kërkuar takim me kryetaren e bashkisë Eriselda Sefa dhe është ngjitur në katin e dytë për të takuar kryetaren. Sapo ka kryer takimin ajo është ndjerë keq dhe është lajmëruar ambulanca e spitalit në Lushnjë.
Pas mbërritjes së ambulancës, Cani kishte ndërruar jetë në vend në ambientet e bashkisë. Ngjarja ka ndodhur një ditë më parë, ndërsa policia ka reaguar një ditë me vonesë në lidhje me vdekjen 48-vjeçares. Sipas tyre ka ndërruar jetë për shkaqe natyrale.
