Mijëra përdorues të Twitter kanë raportuar se platforma e mediave sociale të Elon Musk ka rënë.
Website i monitorimit të internetit DownDetector raportoi një rritje të madhe të raporteve se Twitter nuk funksionoi të mërkurën në mbrëmje. Disa përdorues raportuan se kishin probleme me versionin desktop të platformës, ndërsa të tjerë raportuan vështirësi me TweetDeck. Netblocks, i cili gjurmon ndërprerjet e internetit foli gjithashtu për këtë çështje. “Twitter po përjeton ndërprerje ndërkombëtare që ndikojnë në aplikacionin celular dhe veçoritë".
"Punon për mua," tha Musk, kur u pyet nga një përdorues nëse Twitter ishte "i prishur". Më shumë se 10,000 përdorues u prekën në SHBA, ndërsa rreth 2,500 përdorues nga MB dhe Japonia u prekën në kulmin e ndërprerjes, treguan të dhënat nga DownDetector.
Aaron Rupar, një gazetar kryesor i ndaluar përkohësisht nga Musk, u tall me situatën.“Twitter është Southwest Airlines of Truth Socials”, shkroi ai së bashku me një foto të një makine Tesla në flakë.
Dhe përdoruesit e tjerë reaguan ndaj miliarderit, i cili mori përsipër kompaninë . “Eh, kush do ta kishte menduar se shkarkimi i 75% të stafit që e mbante së bashku do të ishte një gjë e keqe? Domethënë, përveç të gjithëve” postoi një përdorues ./Lapsi.al
Marrë nga: Independent
Lexo Edhe: https://lapsi.al/2022/12/22/donald-trump-reagon-ndaj-sondazhit-per-largimin-e-elon-musk/
