Lapsi Video

Aplikacioni

Android iOS
Flash

"100 vjet burg"/ Detaji në mesazhin e Ramës që transformoi Erjon Veliajn

Rebelimi i Erion Veliajt ndaj Edi Ramës nuk erdhi nga humbja e Bashkisë së Tiranës, por nga bindja se pas burgosjes dhe poshtërimit të tij qëndronte vetë kryeministri, një e vërtetë që ia shkatërroi shpresën e fundit, por njëkohësisht e çliroi nga frika dhe nënshtrimi ndaj njeriut që dikur e quante “vëllai i madh”.

14:17

Vuçiç niset natën drejt kufirit me Kosovën: Respektoj vendimin e serbëve

Lapsi.al 28 December 2022
Vuçiç niset natën drejt kufirit me Kosovën: Respektoj
Presidenti i Serbisë, Aleksandër Vuçiç konfirmoi lajmet se është nisur për në Rashkë, pranë kufirit me Kosovën. Në një postim në Insragram ai thotë se qëllimi i tij është që të bisedojë me serbët nga Kosova. Ai shkruan se është i bindur se sot është një ditë e mirë për Serbinë. “Sërish rrugës për në Rashkë, ku do të flas me serbët nga Kosova. Duke ditur se ata, deri në çlirimin përfundimtar, nuk do të kënaqen kurrë me asnjë vendim, me ndërgjegje dhe fytyrë të pastër po shkoj para tyre. I bindur se sot është një ditë e mirë për Serbinë. Se kemi ruajtur paqen dhe kemi marrë garanci për sigurinë dhe mbijetesën e serbëve” – shkruan Vuçiç. Ai nuk ka dhënë detaje nëse do të hieqn barrikadat, por ka nënviziar se do pranojë vendimin e popullit serb. “Cilido qoftë vendimi i popullit tonë, unë do ta pranoj. Do të jem me ta dhe do ta ruajmë unitetin serb” – ka shtuar Vuçiç. Më herët, kreu i Listës Serbe, Goran Rakiç, citoi Vuçiçin të ketë thënë se “është mirë që barrikadat të hiqen”. “Ne nuk kemi besim në Qeverinë e Kurtit. Mund të them se nuk u besojmë as garancive ndërkombëtare. I bëjmë thirrje presidentit Vuçiç të dëgjojë përfaqësuesit e popullit në barrikada. Ne do të shkojmë te ai me kërkesa të qarta. Ne i besojmë vetëm atij” – tha Rakiç, një ish-ministër në qeverinë e Albin Kurtit. Prokuroria Speciale e Kosovës tha sot se ish-policit serb, Dejan Pantiç, i është ndryshuar masa e sigurisë, nga paraburgimi në arrest shtëpiak. Arrestimi i tij nxiti ngritjen e barrikadave në veri të Kosovës. Ato u vendosën në 10 dhjetor nga disa serbë lokalë. Ato bllokuan rrugët që çojnë drejt pikave kufitare të Jarinjës dhe Bërnjakut që lidhin Kosovën me Serbinë. ©LAPSI.al

Të këshilluara

ide

MOTI TIRANA

17°c

KËMBIMI EURO

91.00

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI