Që prej mëngjesit të kësaj të mërkure, policia ka bllokuar pedonalen për shkak se sot pritet të fillojnë punimet për ndërtimin e godinës së re të Teatrit Kombëtar. Punimet do të nisin aty ku dy vite më para u shemb edhe godina e vjetër. Në këtë ceremoni pritet të marrin pjesë kryeministri Edi Rama dhe kryetari i bashkisë së Tiranës, Erion Veliaj.
Nga ana tjetër Aleanca për Mbrojtjen e Teatrit e kundërshton projektin e ri. Ata kanë organizuar një protestë pasi ata i qëndrojnë idesë që teatri duhet të ngrihet aty ky ishte dhe ashtu siç ishte godina e vjetër.
Në këtë zonë ka prezencë të shtuar të forcave të policisë bashkiake për të shmangur ndonjë incident me protestuesit.
