Ambasadorja amerikane në Tiranë, Yuri Kim ka shkuar pranë ambienteve të Këshillit të Lartë të Prokurorisë. Aty po merren në intervistë kandidatët për kreun e SPAK. Në garë për kreun e SPAK janë Adnan Xholi, Altin Dumani dhe Edvin Kondili.
I pari që u intervistua nga KLP-ja ishte Adnan Xholi. Xholi tha se ai do të çojë para drejtësisë zyrtarë jo mbi bazën e opinioneve, por mbi bazën e fakteve. E në të njëjtën linjë ishte dhe prokurori Altin Dumani. Dumani shtoi se në punën e tij nuk kanë shumë rëndësi emrat, por faktet. Tashmë në pyetje po merret i fundit kandidat Edvin Kondili.
