Kryeministri Edi Rama, i'a ka prerë shkurt ambasadores amerikane Yuri Kim në përplasjen në distancë që ka nisur mes të dyve për procesin e zgjedhjes së kreut të ri të SPAK. Kreu i qeverisë, në një postim në “Twitter” ndonëse thotë se është plotësisht dakord me ambasadoren, ka theksuar për publikun shqiptar se pasardhësin e Arben Krajës nuk e vendos ambasada e SHBA.
Lexo më tej:
Dekriptimi i deklaratave/ Ç'lojë po luhet mes Ramës dhe Yuri Kim
Ai nënvizon shprehimisht se drejtuesin e ri të Prokurorisë së Posaçme kundër Krimit të Organizuar dhe Korrupsionit nuk e zgjedh as qeveria, ashtu sikurse akuzon Yuri Kim, por ama, as foltorja, që e fut në këtë fjali kot së koti, për të dhënë më pas direktivën: aq më pak ambasada. Ate e zgjedhin anëtarët e m Këshillit të Lartë të Prokurorisë, thotë ai. Ai po ashtu ka kërkuar që të ndalen lajmet se mes tij dhe ambasadores Yuri Kim ka një 'krisje'.
“Jam plotësisht dakord me Ambasadoren Yuri Kim dhe boll me thashethemet e katundit politik e mediatik! Kreun e SPAK s’e zgjedh as qeveria, as foltorjavulorjafallgjorja. As ambasada jo e jo. PoR një institucion i quajtur Këshilli i Lartë i Prokurorisë, që varet vetëm nga anëtarët e vet!
Skandali/ Rama ia zhyt në fund Yuri Kim-it, në lojë kreu i SPAK
Prandaj anëtarët e KLP të mos dëgjojnë askënd përveç kandidatëve, të mos lexojnë asgjë përveç biografisë profesionale të kandidatëve, të mos influencohen nga askush përveçse nga profili e perfomanca e kandidatëve! Ata japin llogari vetëm para pasqyrës së tyre dhe askujt tjetër”, shkroi Rama.
Skandali/ Rama ia zhyt në fund Yuri Kim-it, në lojë kreu i SPAK
Më herët Kim tha se procesi i përzgjedhjes së kreut të ri të SPAK nuk duhet të ndikohet as manipulohet duke pranuar se ambasada po inkap një nga një anëtarët e KLP. Ajo shtoi gjithashtu se SHBA do të monitorojnë nga afër procesin e përzgjedhjes në SPAK.
"Javën e fundit jemi takuar me çdo anëtar të Këshillit të Lartë të Prokurorisë (KLP) për të nënvizuar rëndësinë e zgjedhjes së një shefi të ri të SPAK-ut, i cili – pa frikë e favor – do të intensifikojë luftën kundër korrupsionit dhe krimit të organizuar. Procesi i përzgjedhjes nuk duhet të ndikohet nga ata që kanë interes për të kufizuar ose manipuluar hetimet", shkruajti ajo duke shtuar per atë që do të ndodhë të premten në 16 dhjetor: "Ne do të monitorojmë nga afër procesin e përzgjedhjes së SPAK-ut për të siguruar që reforma në drejtësi të ecë përpara".
©Lapsi.al.
