Një barazim 3-3 që nuk i lë shije aspak të mirë Partizanit. Në javën e 13 të Superiores, të kuqtë barazojnë në transfertën e Niko Dovanës. Erzeni i rikuperon nga 1-3 në 3-3 në 19 minutat shtesë. E gjitha për shkak të stuhisë së breshërit që nxorri nga fusha skuadrat dhe shënoi pikën e kthesës. Një pikë që i rri ngushtë Colellas dhe tregon karakterin e të besuarve të Kapllanit.
[video width="760" height="424" mp4="https://cdnimpuls.com/lapsi.al/wp-content/uploads/2022/12/nanoto.mp4"][/video]
Një ndeshje që nisi keq për Partizanin. Shijakasit morën avantazhin në minutën e 8 me Nonato, duke e bërë një sfidë në ngjitje për të kuqtë. Kryeqytetasit rritën ritmin dhe e bënë kualitetin të kishte vlerë. Cara barazoi që në minutën e 13, por për përmbysjen duhej ende kohë. Rrapaj shënoi golin e dytë në minutën e 47, duke shpërthyer entuziazmin në kampin e kuq. Misioni u duk i kompletuar në minutën e 55, kur Skuka shënoi edhe golin e tretë.
[video width="760" height="424" mp4="https://cdnimpuls.com/lapsi.al/wp-content/uploads/2022/12/rrapaj.mp4"][/video]
Erzeni ngjante i pashpresë. Madje edhe pa forcë. Por ndonjëherë gjërat janë destin. Një stuhi shpërtheu në Niko Dovana, me breshërin e fortë që detyroi lojtarët të vrapojnë drejt dhomave të zhveshjes. Pas gati 20 minutash rifilloi ndeshja, por pika e kthesës kishte ndodhur.
[video width="760" height="424" mp4="https://cdnimpuls.com/lapsi.al/wp-content/uploads/2022/12/stuhia.mp4"][/video]
RIKUPERIMI I JASHTËZAKONSHËM
Erzeni inistoi në kërkim të barazimit dhe Kadriu në minutën e 12 shtesë ngushtoi diferencën. Shpresë në kampin shijakas dhe panik në atë të kryeqytetasve. E frika më e madhe e Colella ndodhi. Në minutën e 109 VAR akordoi një penallti, që Kahrimanovic e shndërroi në barazim 3-3. Një pikë për të dy skuadrat. Partizani mban kryesimin me 23 pikë, por mund të humbasë nesër kur në fushë të zbresë Tirana, që e ndjek me një më pak. Erzeni është i treti me 21 pikë.
