Një mallkim i vërtetë: për herë të shtatë Brazili eliminohet në çerekfinale të Botërorit. Favoritët e mëdhenj, kanë dalë jashtë me 11 metë3rsha përballë Kroacisë. Pas një ndeshje me brazilianët superior, e me kroatët asnjë goditje në portë, zhvillimi erdhi në shtesë. Neymar kaloi në avantazh Brazilin, me një gol fantastic në fundin e shtesës së parë. U duk një ndeshje e mbyllur, por Kroacia barazoi me Petkovic, tre minuta nga fundi. Pastaj me penallti, vendimtar gabimi i Rodrygo, e pritur nga Livakovic dhe shtylla e Marquinos.
Kroacia është gjysmëfinalistja e parë e Botërorit. Ballkanasit eliminuan favoritin e madh Brazilin. Skuadra e Dalic avancoi me penallti, pas barazimit 1-1 në minutën e 120. Ishte Seleçao që pati më shumë raste deri në minutën e 90, por Livakovic shpëtoi gjithçka, veçanërisht tentativat nga afër të Neymar dhe Paquetà. Për të kuptuar tendencën e ndeshjes shërbejnë 10 goditjet në portë të brazilianëve dhe asnjë të kroatëve.
Një shans i madh për Brozovic në shtesën e parë, pas një super veprimi personal të Petkovic. Goditja e mesfushorit shkoi mbi traversë. Por një moment para ndërrimit të fushës, Neymar depërtoi në mbrojtjen bardhekuqe. Kombinim fantastic me Paquetà, kaloi dhe portierin për të bërë 1-0. 77 gola, njësoj si Pele për O’Ney. Por asgjë nuk ka mbaruar. Dy lojtarët e hedhur në fushë Orsic dhe Petkovic, bënë rezultatin 1-1 në minutën e 117. Goditja e Petkovic u devijua nga Marquinhos dhe befasoi Alisson për 1-1.
Llotaria e penalltive, ktheu mallkimin: katër herë nga pesë daljet e fundit të Brazilit në Kupën e Botës, janë në çerekfinale. Vlasic shënoi, ndërsa Livakovic priti goditjen e Rodrygo. Pastaj shënuan Majer, Casemiro, Modric, Pedro, Orsic, deri në shtyllën e Marquinhos, që eliminoi Seleçaon. Kroacia do të përballet me fituesin Holandë-Argjentinë më 13 dhjetor, të planifikuar sonte në orën 20:00.
