Policia e Kosovës tha se një pjesëtar i saj është plagosur në një sulm i armatosur në veriun e vendit të banuar me shumicë serbe. Si pasojë e incidentit janë shkaktuar edhe dëme të konsiderueshme materiale në veturën e policisë.
Sipas PK-së, ata kanë qenë në patrullim kur janë sulmuar nga persona të armatosur, nga një automjet i tipit Audi.
Sulmi ka ndodhur pak orë pasi Policia e Kosovës shtoi prezencën e saj në veri. Kjo nxiti reagimin e zemëruar të Beogradit. Këta të fundit e cilësuan këtë si “pushtim të veriut” nga Prishtina. Në një njoftim të policisë thuhet se “përparësi e saj është ofrimi i sigurisë për të gjithë qytetarët, andaj duke vlerësuar situatën dhe rrjedhat aktuale në komunat veriore, ditëve në vijim do të shtojë praninë policore në veri”.
