Zakonisht, kur në Shqipëri vinin delegacione të një rëndësie të veçantë, publiku shqiptar ishte mësuar që pyetjen e parë 'të pafajshme", ta bënte gjithmonë gazetari i famshëm i Top Channel, Met Veliu. Por, të gjithë që kanë ndjekur këtë të martë pas samitit, konferencën e shtypit mes Ramës, Presidentes së BE-së Von der Leyen dhe Charles Michel kanë vërejtur me hidhërim se aty mungonte margaritari i kurorës, Muhamed Veliu.
Lexo me tej:
Gazetari Enver Robelli nxjerr bllof lajmin manipulativ të Met Veliut për Ballkanin e hapur
Por, në fakt, asgjë s'duhet marrë si personale, as duhet të dyshohet se bindjet, idealet dhe pasionet e reporterit të zakonshëm të samiteve ndërkombëtare kanë ndryshuar. Por kleçka duhet gjetur gjetkë. Top Channel, që së fundi Rama e ka renditur mes mediave që vë gjoba për interesa të pronarëve nuk renditet më midis atyre që iu jepen pyetjet e gatshme. Prandaj këtë radhë pyetjet u bënë nga i përhershmi TV KLAN dhe TV tjetër që sapo ka ndryshuar pronar e linjë editorale, ABC. Prandaj sot publiku pa pyetje të denja për gazetarët e afishuar pranë Partisë Komuniste kineze. Pse zgjodhët për këtë samit vendin tonë pro perendimor....apo kur do na hapni dyert e BE-së. Syrit dhe News 24 që s'ju jepet kurrë fjala, tani në listë iu është shtuar, për fatin e keq të Muhamed Veliut, edhe Top Channel.
©Lapsi.al
