Kreu i Partisë Demkratike Sali Berisha gjatë një komunikimi për mediat në selinë blu vetëm disa momente pas protestës së zhvilluar ditën e sotme ka folur mbi sulmin e kryer ndaj tij teksa ka thënë se ai është përgatitur nga kryeministri Rama dhe minsitri Çuçi.
“Fakti që zyra e Fugës e kishte gati shkresën për tua dhënë gazetarëve, ju e din i që në raste të tilla këto persona përdoren se njerëzit normalë nuk pranojnë. Edi Rama duke dashur të paraqesë veten, tregoi se është 100% me duar brenda.
Këtu thuhet, vërtetim mjekësor për tu përdorur kudo që t’i nevojitet, por ky vërtetim mjekësor nuk ka asnjë datë. Ai që e lexon këtë thotë se ky mund të jetë i vitit 2018 pasi thotë u paraqit në klinikën tonë në janar të këtij viti, por shumë i çuditshëm vërtetimi se thotë që episodi i fundit i 10 gushtit 2022, u rekomandua të dërgohet në urgjencën psikiatrike ku mori ndihmën e parë dhe u kthye në shtëpi. Ju e kuptoni që kjo nuk dëshmon asgjë përveç faktit se qeveria e kishte bërë gati për të justifikuar aktin kriminal të një agjenti të policisë kriminale të zgjedhur nga Çuçi i familjes me porosi të Edi Ramës”, tha Berisha.
Kryedemokrati shtoi më pas se nëse do të kishte qenë i sëmurë psiqik ai nuk do të kishte rinovuar patentën. Por, sipas Berishës, Gerti Shehu e ka rinovuar patetën në vitin 2022.
