Dy persona kanë rënë në pranga pas një hetimi disa mujor të zhvilluar në bashkëpunim me Prokurorinë e Fierit. Të rinjtë, pronarë të bizneseve, janë arrestuar pasi pajisnin drejtuesit e automjeteve me certifikata false të errësimit të xhamave. Nga ky operacion janë arrestuar Vilson Duleviç dhe Xhoniard Aliu. Po ashtu janë pezulluar nga detyra 4 punonjës të DRSHTRR të Fierit. Mësohet se të pezulluarit janë: Reans Stavre, Ibrahim Nallbani, Mariglen Myrtaj dhe Dervish Xhulaj.
Nga veprimet hetimore të kryera, ka rezultuar se shtetasit V. D. dhe Xh. A., përmes bizneseve përkatëse, pajisnin drejtuesit e automjeteve, me certifikata false të errësimit të xhamave, ndërsa 4 punonjësit e pezulluar të Drejtorisë Rajonale të Shërbimit të Trasportit Rrugor Fier, dyshohet se duke pasur dijeni për falsitetin e këtyre certifikatave, vlerësonin automjetet si të rregullta, gjatë kontrolleve që kryenin, në pikat e kolaudimit, në Fier dhe në Lushnjë.
