Lajmi për një histori të pabesueshme me fund të lumtur vjen nga SHBA. Melissa Highsmith u rrëmbye nga dadoja në Fort Worth kur ishte vetëm 1 vjeçe. Pas 51 vitesh, gruaja më në fund ka gjetur prindërit, vëllezërit dhe motrat e saj. Pamjet e takimit u publikuan në profilet në Facebook të familjarëve të Melisës. Ata nuk kishin reshtur kurrë së kërkuari për të në gjithë këto vite.
“Ne menduam se nuk do ta shihnim më kurrë”, - thanë ata. Ishte viti 1971 kur nëna beqare e Melisës kishte vendosur një njoftim në gazetë për një dado që mund të kujdesej për vajzën e saj kur ajo ishte në punë. Kur gruaja që i ishte përgjigjur njoftimit u shfaq në shtëpi, nëna e Melisës nuk ndodhej në banesë. Ishte shoqja e saj e dhomës ajo që ia dorëzoi vajzën e vogël kujdestares së fëmijës. Por ajo u zhduk pa lënë gjurmë. Familja nuk hoqi dorë kurrë nga shpresa për ta gjetur Melisën. Ajo organizonte një festë çdo vit në ditëlindjen e saj.
Pika e kthesës erdhi në shtator të këtij viti. Familja Highsmith mori një mesazh anonim që i informonte se gruaja ishte në Charleston. Ajo ndodhej më shumë se 2000 kilometra nga vendi ku u rrëmbye. Ishte testi i ADN-së dhe testet e tjera që konfirmuan identitetin e Melissa. Familja e saj ishte në gjendje ta përqafonte sërish pas 51 vitesh shumë të gjata. Megjithatë, dadoja mbetet ende një mister se ku ndodhet. ©LAPSI.al
