Janë zbuluar detaje të reja nga vrasja e 42-vjeçarit shqiptar në Gjermani. Mediat e huaja shkruajnë se janë regjistruar skena të tmerrshme në Krefeld mbrëmjen e së hënës, vendi ku u vra shqiptari, i cili lëvizte me biçikletë. Policia ka mundur të zbulojë autorët, ata janë dy persona të cilët tashmë janë shpallur në kërkim.
Pas të shtënave vdekjeprurëse të hënën në mbrëmje në Krefeld, policia publikoi më shumë informacion. Burime policore thanë se viktima ishte i njohur për policinë për vepra të lidhura me drogën. Burri jeton në Gjermani që nga viti 2018. Një plumb e goditi në kokë dhe i mori jetën.
Rreth orës 20:00 policia ka marrë disa thirrje emergjente. Telefonuesit raportuan të shtëna me armë zjarri. Sipas dëshmitarëve okularë, dy persona janë larguar nga vendi i ngjarjes menjëherë pas të shtënave. Ato përshkruhen si më poshtë:
Burri i parë: lartësi normale, trup normal, xhaketë e errët, pantallona të lehta, kapelë në kokë.
Burri i dytë: lartësi normale, xhaketë e errët me një logo të spikatur në shpinë, pantallona të errëta,
Sipas deklaratave të tyre, prokuroria publike dhe selia e policisë në Krefeld po hetojnë në të gjitha drejtimet. Policia ngriti një skuadër hetimi.
Krimi dyshohet se ka ndodhur pak para orës 20:00. Sipas informacioneve nga foto, çiklisti është goditur disa herë ndersa një prej plumbave e ka kapur në kokë.
