Kroacia eliminoi Kanadanë nga Kupa e Botës duke fituar 4-1 në ndeshjen e dytë të Grupit F. Në Katar, kombëtarja e Amerikës së Veriut gjeti golin e parë historik në Kupën e Botës pas 68 sekondash me anë të Alphonso Davies. Nuk mjaftoi ky gol që Kanadaja të marrë pikët e para. Reagimi i Kroacisë çon në një kthesë tashmë në pjesën e parë me Kramaric dhe Livaja brenda tetë minutave 36'; 44'. Është sërish Kramaric që shënon në të 70'-të për të mbyllur llogaritë. Në kohën shtesë Majer shënon golin e katërt të kroatëve dhe çertifikon Kanadanë si të dytën e eliminuar nga Katar 2022.
Megjithatë, njëzet minutat e para vërtetuan elementet pozitive që tregoi Kanadaja në ndeshjen kundër Belgjikës. Një lojë ofensive, e shpejtë dhe teknike që solli epërsisë e kanadezëve me Davies pas 68 sekondash. Historike për Canucks në Kupën e Botës. Nuk zgjati shumë dhe Kroacia mori kontrollin e mesfushës, sidomos me Kovaçiç. Pas disa situatave të pashfrytëzuara nga Livaja, momenti i duhur mbërriti në minutën e 36-të. Dyshja Kovacic-Perisic krijuan diagonalen e barazimit për Kramaric që shënon. Tetë minuta më vonë galopi i Juranoviçit nga e djathta i dhuroi një asist Livaja që mbyll në 2-1 për kroatët pjesën e parë.
Kanadaja jashtë Botërorit
Në pjesën e dytë Kanadaja u rikthye në fushë me sigurinë e saj në 3-5-2 të Herdman. Por pas një gjuajtje pranë shtyllës së Osorio ishte gjithmonë Kroacia ajo që dominoi lojën. Në minutën e 70'-të Kramaric shfrytëzon një asistim nga Perisic dhe me të majtën shënon golin e tretë për kroatët dhe të dytin personal. Në fund të ndeshjes, trajneri Dalic u dha hapësirë disa elementëve të rinj. Dhe pikërisht nga Majer që u fut në lojë në minutën e 84' u realizua edhe goli i katërt. Një kundërsulm i finalizuar bukur në minutën e 94' që vulosi shifrat e takimit.
Lexo më shumë: Kroacia, një fitore për tu kualifikuar: Kanadaja rrezikon rekordin negativ të El Salvador
