Mjafton një goditje e vetme në portë për Kosta Rikën për të mposhtur Japoninë 1-0. Amerikanoqendrorët marrin tri pikët e para në grupin E të Kupës së Botës në Katar. Në një lojë pa emocione, ishte një goditje e papritur nga Fuller në minutën e 81-të që u dha gëzimin e parë kostarikanëve, të cilët u rikthyen pas poshtërimit 7-0 në debutim ndaj Spanjës. Një mundësi e humbur për Japoninë pas fitores befasuese ndaj Gjermanisë.
NDESHJA
Pjesa e parë është ndoshta më e keqja e këtij edicioni të Kupës së Botës. Rekordi negativ me zero gjuajtje në portë nga të dyja skuadrat dhe asnjë emocion në 45 minutat e para. Me rezultatin 0-0 dhe një ndeshje të mërzitshme skuadrat hyjnë në dhomat e zhveshjes.
Pjesa e dytë fillon me një pritje të bukur të Keylor Navas ndaj goditjes së Morita, pas vetëm gjashtëdhjetë sekondash. Por është vetëm një iluzion dhe ritmi ulet menjëherë duke rikthyer mërzinë e pjesës së parë. Duhet një blic për të shkundur lojën dhe mbërritur në minutën e 81-të me avantazhin e papritur të Kosta Rikës. Goli i Fuller nga brenda zonës, Gonda hidhet por topi përfundon në këndin e sipërm. Goditja e parë e Kosta Rikës në portë në Katar sjell edhe golin e parë për amerikanët qendrorë. Japonia nxiton përpara, por në minutën e 86-të, Asano dhe Minamino nuk arrijnë të kalojnë Keylor Navas në rrjetë. Sot japonezët nuk janë të shkëlqyer dhe humbasin pikët për raundin e 1/8. Ndërkohë fitorja e Kosta Rikës e gëzon shumë Gjermaninë e cila sot nuk duhet të humbasë kundër Spanjës për të rihapur kualifikim.
Lexo më shumë: Video/ Spanja e ekzagjeron: 7 gola Kosta Rikës! Ferran e Gavi njerëzit e kopertinës
