Një 30-vjeçar është arrestuar nga policia e Beratit. I riu ka tentuar të vjedhë banesën e fqinjit të tij në fshatin Vodicë. Blutë arrestuan shtetasin A.K., i cili do të përballet me akuzën për këtë vepër penale.
"Specialistët e Seksionit për Hetimin e Krimeve të Stacionit të Policisë Poliçan arrestuan në flagrancë shtetasin A. K., 30 vjeç, banues në fshatin Vodicë, Poliçan, pasi gjatë natës, në fshatin Vodicë, tentoi të vidhte në banesën e një shtetasi", njofton policia.
Materialet procedurale i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.
