Kryediplomati i BE-së, Josep Borrell u vu në qendër të akuzave nga Prishtina pas dështimit të takimit Kurti - Vuçiç. Më e ashpër ishte Presidentja e Kosovës Vjosa Osmani që tha se Borell ishte treguar i njëashëm.
“Rregulli i parë i secilit proces ndërmjetësues është paanshmëria. Ajo që pamë sot nga z.Borrell ishte njëanshmëri e shpërfaqur haptazi, akomodim i agresorit dhe prezantim i një realiteti tërësisht të shtrembëruar. Sikur Borrell t’i respektonte parimet bazike të neutralitetit, do t’ia përmendte Serbisë, së paku disa nga marrëveshjet e shkelura të Brukselit, në vend se ta akuzonte Kosovën” – shkroi ndër të tjera Osmani në Facebook.
Por në një intervistë për EURACTIV, shefi i diplomacisë së BE-së thotë se Brukseli nuk është vetëm arbitër.
“Ne nuk jemi ndërmjetës apo arbitra. Jemi shumë më tepër se kaq sepse të dy vendet duan të bëhen anëtarë të BE-së dhe ne kemi një kapacitet të levës”, - theksoi Josep Borrell.
Një ditë më parë edhe kryeministri Kurti ishte i pakënaqur më Borell.
“Po them me keqardhje, sepse vet e kanë propozuar marsin e vitit 2023, dhe në anën tjetër gjithashtu propozimi është i Bashkimit Evropian. Kur u takuam në Paris, në kuadër të Forumit për Paqe, z. Joseph Borrell tha që propozimi nuk është franko-gjerman, propozimi është i Bashkimit Evropian por i mbështetur nga Franca dhe Gjermania” – tha Kurti.
Deklarata e tij u hodh poshtë nga zëdhënësi i BE-së, Peter Stano. ©LAPSI.al
LEXO EDHE: Dështon takimi Kurti-Vuçiç. BE fajëson Prishtinën
