Athos Salome, profeti që jeton në Divinopolis të Brazilit, ka dhënë profecinë e tij për Botërorin në Katar. Njeriu që vitet e fundit parashikoi përhapjen e Covid e vdekjen e Mbretëreshës Elizabeth, fitoi pseudonimin "Nostradamusi i gjallë". Kjo pikërisht pë shkak të saktësisë së fjalëve të tij. E tani, Salome ka zbuluar edhe emrat e finalistëve të mundshëm, duke futur në ankth të gjithë të tjerët.
Braziliani Salome zbuloi fillimisht pesë skuadrat që kanë mundësi të kalojnë në finale. Në këtë përzgjedhje, Nostradamusi brazilian u ndihmua edhe nga një përllogaritje e bazuar në vitin e ndeshjeve e datën e fillimit. Madje edhe shkronjat e emrave të vendeve që do të luajnë kanë patur rëndësinë e tyre.
Lexo më tej: “Fito Botërorin e të dhuroj një natë pasioni”: ky është propozimi i nxehtë i modeles për Ochoa
Pesë finalistët e përllogaritjeve ishin Argjentina, Brazili, Belgjika, Franca dhe Anglia. Ndër të gjitha, profeti zgjodhi dy, që mendon se do të shkojnë në finale: "Argjentina dhe Franca: toka e Tangos dhe një vend i Europës Qendrore". Por Salome kishte gjithashtu një paralajmërim, për parashikimin e tij: "Për shkak të numrit të madh të rasteve të Covid-19, gjithçka mund të ndryshojë. Kjo sepse janë shfaqur nënvariante të reja të Omicron, BQ.1 dhe XBB, më të transmetueshme dhe rezistente ndaj vaksinave".
