Rreth orës 04:00 të mëngjesit të sotëm, është djegur automjeti tip “Benz”, në pronësi të biznesmenit Ndue Pjetrushi. 56-vjeçari e kishte parkuar mjeti në rrugë, në afërsi të banesës.
Menjëherë është ngritur një grup i posaçëm hetimor nga strukturat hetimore të Komisariatit të Policisë Lezhë. Si rezultat i veprimeve hetimore ka rezultuar se djegia e automjetit nuk është shkaktuar nga faktorë të jashtëm. Djegia ka ardhur nga probleme teknike të automjetit.
Për këtë arsye ngjarja është klasifikuar aksidentale. Materialet procedurale janë referuar në Prokurorinë pranë Gjykatës së Rrethit Gjyqësor Lezhë, për vlerësim.
