Një 18-vjeçar, i shpallur në kërkim për dhënie ndihmë emigrantëve të paligjshëm, është vënë në pranga në Kukës. Mësohet se disa javë më parë, u arrestua në flagrancë babai i 18-vjeçarit. Ai akuzohet se theu masën e sigurisë “Arrest në shtëpi”. Po ashtu, babai i të arrestuarit të sotëm tentoi të korruptonte punonjësit e policisë, duke iu ofruar rreth 2000 euro.
“Gjatë operacionit të zhvilluar në muajin tetor, u arrestua në flagrancë shtetasi B. M., 53 vjeç (babai i 18-vjeçarit). Ai theu masën e sigurisë 'arrest në shtëpi'. Ajo u caktua nga Gjykata, për veprën penale 'ndihma për kalim të paligjshëm të kufirit'. Gjithashtu ai tentoi të korruptonte punonjësit e Policisë, duke iu ofruar rreth 2000 euro, me qëllim që të mos kryenin veprimet procedurale për këtë rast”, sipas policisë.
Sipas policisë, materialet i kaluan Prokurorisë së Posaçme Kundër Krimit të Organizuar dhe Korrupsionit, për veprime të mëtejshme.
