Një barazim i marrë në frymën e fundit për Kosovën e Alain Giresse. Dardanët e drejtuar nga francezi nuk shkuan më shumë se një barazim 2-2 në miqësoren kundër Armenisë. Në fakt, dy herë në avantazh ishin miqtë, por fillimisht Kastrati me penallti e pastaj Rudhani penguan armenët të vijnë me moral të lartë në miqësoren e të shtunës kundër Shqipërisë.
Kosova, e rinovuar në emra e pa Muriqin në udhëheqje të sulmit, kishte kontrollin e lojës. Dardanët majde tentuan në disa raste të zgjidhnin takimin, por u ndëshkuan nga Shaghoyan në pjesën e parë. Sulmuesi i djathtë, pas një aksioni të shpejtë individual, mposhtur Bekaj. Portieri i Tiranës ishte titullar në këtë takim.
Lexo më tej: Video/ Kosova e nis me fitore Nations League, Giresse i pakënaqur: “Ndeshje shumë e komplikuar, bëmë disa gabime”
Giresse u mundua të ndryshonte dicka në mekanizmin e lojës dhe Kosova ishte në fakt më ofensive. Barazimi megjithatë erdhi vetëm pas akordimit të penalltisë. Lirim Kastrati nuk gaboi, duke i cuar shifrat në 1-1. Kosova sulmoi kokëulur në kërkim të fitores, por humbi ekuilibrin në kundërsulmin armen 8 minuta nga fundi. Hovhannisyan përfitoi nga hapësira dhe mposhti Bekajn për herë të dytë. Dardanët megjithatë nuk e humbën mendjen dhe barazuan në shtesë me mesfushorin Rudhani, që vulosi shifrat në 2-2 pas një goditje të devijuar para portës së mbrojtur nga Buchnev. Pas tre ditësh, Armenia do të udhëtojë nga Prishtina në Tiranë, për tu ndeshur me kuqezinjtë.
