Pas ndalimit nga policia e Tiranës të të riut Ramazan Rraja (nipi i deputetit të PS Rrahaman Rraja) dhe bllokimit të makinës së blinduar me të cilën po qarkullonte, ka folur për mediat babai i tij.
Xhelal Rraja ka deklaruar se djali i tij nuk ka bërë asnjë shkelje ligjore, teksa shton se makina është në emrin e tij dhe se ai është i autorizuar që të qarkullojë me mjet të blinduar.
Më tej ai thotë se ka kërkuar informacion në Drejtorinë e Policisë së përse e kanë shoqëruar të birin, por nuk ka marrë asnjë përgjigje.
Ndërkohë, ai i është drejtuar me një thirrje kreut të policisë Kriminale Neritan Nallbati, duke i thënë se nëse ka diçka personale me të, ta vazhdojë personale dhe të mos merret me shtetin.
“Nëse djalit tim do to faktohet gjëja më e vogël ai të përgjigjet. Nuk është në kërkim policor. Ka dy orë që rri këtu dhe nuk më ka sqaruar njeri se pse është shoqëruar. Është e vërtetë që lëviz me makinë të blinduar. Pse duhet të ndalohet për lëvizje më makinë të blinduar? Makinën e kam unë me letra. I bëj thirrje atij zotërisë nëse ka gjë personale me mua, të vazhdojë personale. Të mos vazhdojë me shtetin, kaq kam”. Kështu është shprehur për mediat Xhelal Rraja.
Lexo më tej: Policia ndalon Ramazan Rrajën, nipin e deputetit të PS (FOTO)
