Një aksident ka ndodhur pak minuta më parë në Fier. Ngjarja ka ndodhur në lagjen “Apolonia”, në vendin e quajtur Zogu i Zi. Mësohet se një grua 55-vjeçare është goditur nga një automjet tip “Mercedes Benz”. Ajo po kalonte rrugën kur u përplas.
Në vendngjarje ka mbërritur ambulanca. 55-vjeçarja është shoqëruar për në spital, ndërsa policia po punon për zbardhjen e rrethanave të ngjarjes.
Fier / Informacion paraprak
Rreth orës 13:30, në vendin e quajtur “Zogu i Zi”, Fier, automjeti tip “Benz” me drejtues shtetasin F. Rr., 35 vjeç, banues në Vlosh, Fier, ka aksidentuar shtetasen M. G., 61 vjeçe, e cila ndodhet në spital nën kujdesin e mjekëve. Grupi hetimor po punon për zbardhjen e rrethanave të aksidentit.
