Dy automjete janë djegur pak pas mesnate në Vlorë. Policia bën me dije se ngjarja ka ndodhur rreth orës 02:00 të mëngjesit. Mjetet janë shkrumbuar në fshatin Nartë, Vlorë. Në njoftimin e bluve thuhet se dy automjetet janë në pronësi të shtetasit A. G., 49 vjeç. Ky i fundit është pronar i një restoranti në fshatin Nartë. Nuk dihet nëse kjo zjarrëvënie është e qëllimshme.
Makinat e djegura janë hequr nga vendi i ngjarjes nga grupi hetimor. Policia dhe grupi hetimor po punon për zbardhjen e rrethanave të ngjarjes dhe shkakut të rënies së zjarrit.
