Serie A mbetet nën shenjën e Napoli. Skuadra e Spalletti nuk e pati një shëtitje kundër Empolit, por në fund ia doli 2-0. Golat e Lozano e Zielinskit në 20 minutat e fundit të ndeshjes i ngjitën napoletanët në 38 pikë. Ndalet edhe njëherë Udinese, që nuk shkon më shumë se 1-1 në Picco kundër Spezia.
NAPOLI 2-0 EMPOLI
Vazhdon arratisja e Napolit në krye të renditjes. Në javën e 14-të të Serie A, skuadra e Spallettit mposhti 2-0 Empolin. Fitorja e dhjetë radhazi në kampionat për të kaltrit që arrijnë në 38 pikë. Në Maradona, në pjesën e parë, 75% e zotërimit të topit nuk mjaftoi që Napoli të depërtonte mbrojtjen e mirëorganizuar të Zanetti. Në pjesën e dytë, pastaj, Lozano (69') zhbllokoi ndeshjen me penallti. Një kontakt i dyshimtë në zonë mes Marin dhe Osimhen që do të krijojë debate. Në fund, Zielinski (88') vulosi rezultatin me golin e dytë. Një gol që erdhi me Empolin në inferioritet numerik. Në minutën e 74' në fakt, Luperto u ndëshkua me karton të kuq. Bajrami nga minuta e parë titullar, nuk mundi të bëjë më shumë për të tijtë. E megjithatë është një lajm i mirë për lojtarin dhe kombëtaren e Shqipërisë.
SPEZIA 1-1 UDINESE
Raundi i mesjavës së Serie A u hap me barazimin 1-1 mes Spezia dhe Udinese. Në Picco, ligurët kaluan në epërsi me Reca (33'), por shpenzuan dyfishimin e mundshëm me traversën e Ampadut. E menjëherë më pas Lovric (43') shënoi golin e barazimit pas një veprimi të shkëlqyer të Success. Një gol që shpëtoi formacionin e Sottil nga humbja. Bardhezinjtë në fakt, nuk fitojnë prej gjashtë ndeshjesh. Friulanët shkojnë në 24 pikë, ndërsa ata të besuarit e Gotti në 10.
