Presidenti i Serbisë, Aleksandër Vuçiç, tha se populli serb në Kosovë nuk do të mbetet pa mbështetjen e Serbisë. Sipas tij, është e rëndësishme që ata të jenë të sigurt.
“Pa lëvizje të nxituara, gjithmonë me popullin tonë për të ardhme më të mirë për fëmijët tanë. Kjo është politika që ne ndjekim dhe që e zbatojmë çdo ditë. Ne vazhdojmë të mbrojmë interesat tona kombëtare. Dhe, në të njëjtën kohë luftojmë për çdo faktor që mund të sjellë përfitime, të na bëjë më të fortë dhe më të mirë”. Kështu shkroi Vuçiç në llogarinë e tij në Instagram.
Ai shtoi se beson që “ne do të kemi sukses në ruajtjen e paqes dhe stabilitetit për popullin tonë dhe Serbinë tonë”.
Më 5 nëntor, zyrtarët serbë njoftuan se do të largohen nga institucionet e Kosovës në katër komunat në veri të vendit. Përfshirë policinë, gjyqësorin, por edhe Kuvendin e Qeverinë.
Vendimi erdhi pasi Qeveria e Kosovës nisi zbatimin e planit për riregjistrimin e makinave që kanë targa të lëshuara nga Serbia.
Kryeministri i Kosovës, Albin Kurti, u ka bërë thirrje serbëve që të mos largohen nga institucionet e Kosovës. Sepse sipas tij, kështu dobësohen shërbimet për qytetarët.
Por, presidenti i Serbisë, Aleksandar Vuçiç, ka thënë se serbët do të kthehen në institucionet e Kosovës kur Kosova të formojë Asociacionin e komunave me shumicë serbe.
Lexo më tej: Ambasada ruse në Maqedoni: Kosova është Serbi, Krimea është Rusi
Lexo më tej: “La Repubblica”: Moska ndez konfliktin në Kosovë
Lexo më tej: Haradinaj godet fort Kurtin: Kurti s’është i interesuar për sigurinë e Kosovës
