Kryeministri Edi Rama, i shoqëruar nga ministrja Krifca dhe Balla, ka takuar mëngjesin e së shtunës fermerët e Lushnjes. Teksa fliste para fermerëve, kryeministri Edi Rama ka ironizuar Partinë Demokratike. Sipas tij, PD është bërë si ato mallrat që ta kthen pika e grumbullimit.
“Zinxhiri i pikave të grumbullimit në Lushnje ka dhe një meritë shumë të madhe. Ka bashkuar komplet PS me PD totalisht. Sepse njerëzit këtu kanë kuptuar që politika është për pas pune, nuk mund të vijë politika të bëjë punën këtu e të futen mollët në sherrin politik. Më vjen mirë që të gjithë grumbulluesit dhe ata të PD po ia marrin atyre të PS dhe qeverisë së saj produktin. Aq më tepër sot kur PD është bërë si ato mallrat që ta kthen pika e grumbullimit...I shëndoshi PS këta demokratët i shëndoshi”, tha Rama ndër të tjera.
