Kërcënime, shtyrje dhe tërheqje. Kështu, siç mund ta shihni edhe në këtë video, ultrasit e Inter kanë përzënë tifozët e tjerë nga sektori. Ngjarja ndodhi gjatë ndeshjes mes Interit dhe Sampdorias. Curva Nord është zbrazur dhunshëm nga grupet e organizuara, si shenjë zie për vdekjen e Vittorio Boiocchi. Ish-kryetifozi u vra pak para ndeshjes në një pritë dhe për respekt, ultrasit kanë nxjerrë me forcë mbështetësit e tjerë nga sektori. Selia e Policisë së Milanos ka hapur një dosje faktmbledhëse, pa hipotezë krimi apo ndonjë hetim për momentin. Institucioni ka vendosur të ndalojë "shfaqjen e banderolave, flamujve, megafonëve dhe daulleve në Nord" për ndeshjen e së mërkurës në shtëpi kundër Bolonjës.
Të premten, katër përjashtime u lëshuan gjithashtu kundër katër ultrasve nga Curva Nord. Ata u konsideruan përgjegjës për "përjashtimin" e tifozëve të tjerë zikaltër nga stadiumi.
Ngjarja, përveçse ngjalli një bujë të rëndësishme mediatike, u shpërnda gjerësisht në rrjetet sociale. Disa tifozë përshkruan aktet frikësuese dhe të dhunshme të pësuara, duke nënvizuar klimën e krijuar. Frikë e ankth edhe për shkak të pranisë së grave dhe fëmijëve, kanë theksuar ata.
