Nik Gjeloshaj, kreu i Partisë “Alternativa Shqiptare” dhe njëkohësisht kryetar i Komunës së Tuzit është liruar nga policia. Sipas medieve malazeze, ai u mor në pyetje nga Sektori i Sigurisë së Podgoricës rreth orës 12:10 të së premtes.
Më herët Gjeloshaj u ndalua nga policia pas një incidenti në kryeqytet. Sipas të njëjtave burime dyshohet se ai ka fyer anëtarët e Drejtorisë së Policisë. “Vijesti” shkruan se ngjarja ka ndodhur pasi policia rrugore ka kontrolluar një veturë luksoze. Ajo drejtohej nga një shok i Gjeloshajt.
Në të cilin ndodheshin edhe anëtarë të familjes së kryetarit të Komunës së Tuzit. Sipas të njëjtave burime Gjeloshaj ka debatuar me policët pasi patrulla e ka dërguar atë makinë për kontroll teknik për shkak të xhamave të errësuar. Drejtoria e Policisë nuk kanë pranuar të komentojë rastin.
Ajo ka thënë vetëm se “masat dhe veprimet policore janë në vazhdim e sipër dhe pas tyre do të japin një deklaratë”. Ndërsa Kreu i Prokurorisë Themelore të Shtetit në Podgoricë, Dushko Milanoviq bëri të ditur se ndaj Gjeloshajt është hapur një çështje për veprën penale të sulmit ndaj personit zyrtar gjatë kryerjes së detyrës. ©LAPSI.al
