Lapsi Video

Aplikacioni

Android iOS
Flash

Rama kapet edhe me VOA: Shumica e mediave gjobaxhinj dhe rublaxhinj

Lapsi.al 3 November 2022
Rama kapet edhe me VOA: Shumica e mediave gjobaxhinj dhe rublaxhinj
Pas Top Channel dhe News 24, kryeministri Rama shkon edhe më tej në përplasjet e tij me mediat. Kreut të qeverisë shqiptare duket se nuk i ka pëlqyer një raportim i gazetares Mimoza Picari në “Zërin e Amerikës”. Reportazhi i VOA fliste për kritikat që Shqipëria ka marrë nga institucionet më të rëndësishme për lirinë e medias. “Media në Shqipëri vijon të funksionojë në spiralen e problemeve të reja dhe të mbartura të cilat po dëmtojnë lirinë e shprehjes. Edhe raporti i fundit i Komisionit Europian evidentoi mangësi që lidhen me pavarësinë e saj. Gazetarë dhe analistë i thanë Zërit të Amerikës se transparenca e institucioneve është përkeqësuar dhe se tani ka gjithë e më pak informacion mbi kontratat publike me prapavijë korruptive. Edhe media online në gjykimin e tyre kërkon rregullim juridik, për të shmangur fenomene të tilla si shantazhi, presioni dhe anonimati” – thuhej në reportazhin e VOA.

LEXO EDHE: Gazetarët në VOA: Përkeqësim i lirisë së shprehjes në Shqipëri

Por kryeministri Rama ka zgjedhur të bëjë ironi me VOA dhe të sulmojë sërish mediat shqiptare. Këto të fundit vijon t’i quajë “maska rublaxhinjsh dhe gjobaxhinjsh” në një koment në Twitter. “Jam shumë dakord! Fakti është që në Shqipëri nuk ka asnjë media pro-qeveritare dhe shumica dërmuese e tyre janë maska rublaxhinjsh a gjobaxhinjsh kundër qeverisë! Liria e shprehjes është përkeqësuar aq ndjeshëm për qeverinë, sa pa rrjetet sociale s’do tregonim dot 95% të punëve!” – shkruan Rama. Ditët e fundit kryeministri është përfshirë në një përplasje të forte me Top Channel, një prej televizioneve kombëtare të vendit. Rama e ka akuzuar atë për vendosje gjobash ndaj qeverisë. Vetë televizioni ka transmetuar një sërë kronikash kritike ndaj qeverisë ditët e fundit. ©LAPSI.al

Të këshilluara

ide

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

Ana pozitive e ankthit prej të pandehuri të Edi Ramës

Paketa e ndryshimeve drastike në Kodin e Procedurës Penale, ndonëse buron nga halli i kryeministrit për të mbrojtur veten dhe bashkëpuntorët, krijon një mburojë tejet të gjërë për qytetarët, ndaj një drejtësie gjithnjë e më represive

13:23 Andi Bushati

MOTI TIRANA

9°c

KËMBIMI EURO

91.92

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI