Nëse SHBA-ja dhe BE-ja nuk i bëjnë më shumë presion kryeministrit të Kosovës, Albin Kurtit, sipas mediave serbe është vështirë të pritet ndonjë marrëveshje për riregjistrimin e automjeteve, e lëre më zgjidhje për çështjen e Kosovës. Kjo është përshtypja e përgjithshme pasi Kurti e injoroi kërkesën e Perëndimit për shtyrje të afatit për reciprocitetin e targave dhe vendosi për modelin e tij, që përfshin gjoba prej 150 euro nga 21 nëntori.
Prej muajsh zyrtarët amerikanë dhe evropianë janë mbushur plot me njoftime për marrëveshjen mes Beogradit dhe Prishtinës, e cila do të sillte përparim për të dyja palët. Tensionet u rritën këtë verë pas kërcënimit të Kurtit për anulimin e dokumenteve serbe në Kosovë. Më pas u gjet një zgjidhje kompromisi, por në prag të ditës së re "D", duket se zgjidhja as që shihet në horizont.
Çfarë do të ndodhë më 1 nëntor?
Gjegjësisht, afati për riregjistrim të veturave skadon më 1 nëntor, kur sipas njoftimeve të Prishtinës. Mirëpo, pasi kërkesës për shtyrjen e afatit, Kurti gjeti zgjidhjen e tij duke njoftuar se nga 1 nëntori do t'u dërgohen paralajmërime të gjithë pronarëve të automjeteve pa targa RKS, do të gjobiten me nga 150 euro.
Ky veprim solli indinjatën e Lista Srpska, e cila ka lëshuar një deklaratë në të cilën ka njoftuar se “dënimi i parë për riregjistrimin e automjeteve do të shkaktojë një reagim të gjerë dhe rezistencë e ashpër”.
"-Gabohen rëndë të gjithë ata që mendojnë se populli ynë do të vëzhgojë në heshtje heqjen e të drejtës, heqjen e targave KM, pra lirinë e lëvizjes dhe rrezikimin e mbijetesës sonë," - thuhet në njoftimin e Listës Serbe.
As në Bruksel nuk e fshehën zhgënjimin e tyre për vendimin e qeverisë së Kosovës për të mos marrë parasysh kërkesën e BE-së dhe SHBA-së dhe shtyrjen e afatit për riregjistrimin e automjeteve me vetëm 10 muaj.
"Kosova duhet të lejojë një periudhë më të gjatë tranzitore. Kjo është këshilla e vazhdueshme nga partnerët më të afërt të Kosovës, përfshirë BE-në dhe SHBA-në. Është zhgënjyese të shohësh se kjo nuk është ndjekur," – thuhet ndër të tjera në njoftimin nga Brukseli.
Deri më tani, sipas Blic.rs, besohet se e ardhmja e dialogut në Kosovë në masë të madhe do të varet nga ajo se si do t'i përgjigjet Beogradi propozimit franko-gjerman për zgjidhjen e çështjes së Kosovës./Blic.sr
