Bayern dominoi, mposhti Mainz e pafat duke dhënë një shfaqje në Allianz Arena. Skuadra e Nagelsmann fitoi 6-2, duke shënuar me gjashtë lojtarë të ndryshëm dhe kryeson provizorisht Bundesligën. Një natë si kryesues, duke pritur që Union Berlin të luajë të dielën. Vazhdon kriza e Leverkusen, i shembur ndaj Leipzig (2-0) dhe i treti nga fundi. Edhe Stuttgart e kalon pas fitores me Augsburg 2-1. Wolfsburg triumfon 4-0 ndaj Bochum.
GOLEADA E BAYERN
Bayern shpërthen me goleadë në Allianz Arena. 6-2 ndaj Mainz dhe në krye të Bundesligës për një natë. Një pjesë e parë tipike për formacionin e Nagelsmann, që kalon përpara pas pesë minutash. Mané nxorri të lirë Gnabry që mposhti Zentner. Bayern dominoi zotërimin e topit, por Mainz mund të barazonte me Burkardt. Gol i gabuar gol i pësuar, sepse në të 27' erdhi magjia e Musiala. Goditje e përsosur tokazi ngjitur me shtyllën dhe Musiala arrin në dopioshifra, kur jemi ende në fund të tetorit. Miqtë reaguan edhe një herë pas golit të pësuar, duke goditur traversën dhe shtyllën në të njëjtin aksion. Po në fund të pjesës së parë Mané fitoi një penallti dhe e transformon vetë në minutën e 40-të. Edhe Mainz pati në favor një penallti, por Burkardt dështoi të mundte Ulreich, që devijoi në kënd. Nga aty Widmer me kokë shënoi golin e 3-1 në pushim të ndeshjes.
Lexo më tej: Video/ Champions me vetëm tre të panjohura: Bayern shkel me këmbë Barcelonën, VAR i heq fitoren Tottenham
Pas rifillimit bavarezët gjetën pokerin në minutën e 58-të me Goretzka, ndërsa të pestin e shënoi Mathys Tel (79'). Mainz shkurtoi diferencën me Ingvartsen (81') pas një gabimi të Ulreich në grushtim. Festivali i golave nuk kishte përfunduar dhe 6-2 ishte vepër e Choupo-Moting (86'). Përfundon kështu, Bayern shënon me gjashtë lojtarë të ndryshëm dhe kryeson me 25 pikë.
NDESHJET E TJERA
Leipzig arrin një fitore të rëndëishme 2-0 kundër Leverkusen. Aspirinat përfundojnë të tretët nga fundi me 9 pikë pas 12 ndeshjesh, vetëm dy larg rënies. Leipzig me golat e Nkunku (32') dhe Werner (83') ngjitet në vendin e pestë me 19 pikë. Sukses 2-1 edhe për Stuttgart, që likuidon Augsburg. Del nga zona e ftohtë skuadra e Wimmer me Guirassy (15') dhe Anton (91') që përmbysën avantazhin e shpejtë të Niederlechner (4'). Poker i Wolfsburg 4-0 ndaj Bochum.
Bundesliga Germany
Bayern Munich 6-2 Mainz
RB Leipzig 2-0 Bayer Leverkusen
VfB Stuttgart 2-1 Augsburg
Wolfsburg 4-0 Bochum
