Ish-kryebashkiaku i Lezhës Fran Frrokaj është vetëdorëzuar në policinë e shtetit. Ai u dënua nga gjykata e Gjykata e Apelit të Shkodrës me vendim të formës së prerë me 3 vite burg. Frrokaj u akuzua për shpërdorim detyre dhe tjetërsim të pronave tek “Rana e Hedhun” në Shëngjin.
Rreth orës doli një urdhër – arresti për ish-kryebashkiakun. Pas kontrolleve të forcave të policisë ai nuk u gjet. Pas kësaj u dyshua për një arratisje të tij. Lajmin e dorëzimit e ka konfirmuar edhe avokati i tij Neshat Fanaj.
Ai deklaroi se Fran Frrokaj kishte marrë kontakt me policinë për veprimet procedurale. Avokati sqaroi se Frrokaj ka qenë duke u kthyer për në Lezhë. Ai ka lajmëruar vetë autoritetet për të kryer procedurat e dorëzimit të tij.
Edhe ish-kryetari i qarkut Gjok Ndoka u dënua me 3 vite burg. Gjykata gjeti fajtorë edhe 15 zyrtarë e qytetarë të përfshirë në tjetërsimin e 234 mijë metrave tokë në bregdetin e Ranës së Hedhun në Shëngjin.
Hetimet për tjetërsimin e pronave në zonën e Ranës së Hedhun në Shëngjin kanë nisur në vitin 2017-të.
Në shtator të vitit 2020, Frrokaj u dënua nga Shkalla e Parë me 4 vite burg për tjetërsimin e pronave te Rana e Hedhun në Shëngjin, por Apeli vendosi t’i ulë dënimin me 1 vit. Ndërsa Gjok Ndokës i shtohet 1 vit burg nga Apeli. ©LAPSI.al
