Joan Laporta, presidenti i Barcelonës, nuk e ka fshehur trishtimin për eliminimin e skuadrës nga Liga e Kampionëve. Numri 1 blaugrana ka thyer heshtjen që mbizotëroi në Barcelonë pas daljes nga Champions. Laporta e pranoi se katalanasit ndoqën një taktikë të gabuar. Ata panë fitoren e Inter dhe, pastaj, nuk evituan dot disfatën me Bayern Mynih pak orë më vonë.
Duke folur në konferencën për shtyp, presidenti i klubit blaugrana pranoi se gabuan taktikë: "Fatkeqësisht mrekullia nuk ndodhi. Duhet të falënderojmë tifozët sepse në një ndeshje shumë të vështirë ata inkurajuan lojtarët dhe ekipin. Kemi tifozët më të mirë në botë. Një ndeshje emocionalisht e vështirë për t'u luajtur, pasi pamë ndeshjen e Interit të gjithë së bashku. Ishte një torturë për ne".
Lexo më tej: Barcelona rrezikon eliminimin, Goretzka thumbon Lewandowskin: “Me Bayern në 1/8 arrinte gjithmonë”
Pavarësisht “rënies” në Europa League, Laporta tha se ishte i sigurt për vazhdimësinë e sezonit. Sipas presidentit blaugranat ende janë në garë për të fituar trofe: “Tani duhet të shohim përpara, kemi ende La Liga dhe kompeticionet e tjera. Ne e dinim që në këtë periudhë ndërtimi do të kishte ulje-ngritje. Ne duhet të vazhdojmë të rritemi çdo ditë", përfundoi presidenti katalanas.
